Igande honetan, ekainaren 28an, Intxaurrondoko Sagardo Eguna-ren hirugarren edizioa ospatuko da Sagastieder plazan, auzoko giroa, sagardoa eta euskal tradizioak uztartuko dituen ekitaldian.
Jardunaldia 12:00etan hasiko da, eta bertaratzen direnek sagardo dastaketa egiteko aukera izango dute, baita plaza-dantzez gozatzekoa ere. Antolatzaileen helburua auzoko bizilagunak elkartzea eta giro atseginean euskal kulturaren eta sagardoaren inguruko topagune bat eskaintzea da.
Edariaren prezioa 7 eurokoa izango da, eta pintxoak 2 eurotan eskuratu ahal izango dira.
Intxaurrondoko bizilagun guztiak eta inguruko herritarrak gonbidatuta daude III. Sagardo Egun honetan parte hartzera, lagunartean igande goiz berezi batez gozatzeko.